Диего Љоренте наскоро треба да биде промовиран во нов играч на Лидс јунајтед откако новиот премиерлигаш се договори со Реал Сосиедад на трансфер вреден 25 милиони евра. Љоренте ќе биде втората аквизиција на Лидс која ова лето доаѓа од Ла Лига, откако претходно тимот од „Еланд роуд“ урна клупски рекорд за трансферот на напаѓачот Родриго од Валенсија.
Сосиедад го потврди заминувањето на Љоренте, а од овој трансфер ќе профитира и Реал Мадрид. Шпанскиот дефанзивец потекнува од школата на Кралевите кои при продажбата на Љоренте во Сосиедад во 2017 година, вметнаа клаузула во договорот да добијат 20% од сумата при иден трансфер.
ℹ️ OFFICIAL ANNOUNCEMENT: #RealSociedad and @LUFC have reached an agreement in principle for the transfer of @diego_2llorente. Eskerrik asko, thank you! We wish you the best of luck in this new stage of your career, Diego!#AurreraReala pic.twitter.com/hnJvxcXQcN
— Real Sociedad (@RealSociedadEN) September 22, 2020
Инаку, Лидс успеа да го добие потписот на Љоренте за половина од износот на неговата откупна клаузула.
