Легендарниот Швеѓанец Бјорн Борг без двоумење го оцени Новак Ѓоковиќ како најголемиот тенисер во историјата.
„По начинот на кој игра, Новак е најголемиот што некогаш го видел овој спорт. Роџер Федерер и Рафаел Надал го делат второто место“, изјави Борг за „Скај спортс“.
Ѓоковиќ, кој на 38 години продолжува да доминира, поседува 24 титули од гранслем-турнирите, најмногу недели на врвот на АТП-листата и е единствен со над 400 недели на првото место.
Борг е воодушевен од неговата упорност и верува дека може да стигне и до 25-тата титула, иако конкуренцијата е жестока, со Алкарас, Синер и други.
