Српскиот првак Црвена ѕвезда забележа многу вредна победа на гостувањето кај Лил во првиот меч од нокаутфазата за пласман во осминафиналето во Лига на Европа. Српскиот тим не само што победи, туку на крајот Црвено-белите може да жалат што триумфот не е изразен со повисока предност.
Едноставно Црвена ѕвезда доминираше на теренот кај Лил. Гостите од Белград создадоа многу шанси, но искористија само една, а тоа беше во финишот од првото полувреме. По еден изведен корнер, Тебо Учена најдобро се снајде во противничкиот петерец и ја внесе топката во мрежата. На крајот, токму тој гол се покажа како доволен за прва победа на Црвена ѕвезда на француско тло.
Lille 0-1 Crvena zvezda – Franklin Tebo Uchenna 45+1′
by
u/4gjdtokurwa in
soccer
Во останатите мечеви од Лига на Европа кои се играа од 21 часот, Штутгарт си ја заврши работата на гости кај Селтик и победи убедливо со 4:1, па на свој терен само рутински треба да го одработи пласманот во осминафиналето.
Лудогорец со 2:1 славеше над Ференцварош, а немаше победник на дуелот меѓу Панатинаикос и Викторија Плзен (2:2).
Во Конференциската лига, покрај поразот на Шкендија од Самсунспор, Ријека со 1:0 славеше на гости кај Омонија, а Фиорентина беше убедлива на теренот на Јагеилонија и победи со 3:0. Во највозбудливата пресметка, Целје со 3:2 победи во Приштина против Дрита.
Што се однесува до мечевите кои се играа од 18:45 во Лига на Европа и Конференциската лига, резултатите може да ги видите ТУКА.
