Бостон селтикс беше подобар од Њујорк никс со 118-105 во првиот од десетте натпревари во НБА лигата кои се играат вечерва.
Актуелниот НБА првак со оваа победа се зацврсти на второто место на Истокот, сега има четири триумфи повеќе од третопласираниот тим, тоа е токму Њујорк кој го совладаа вечерва.
Најефикасни кај Келтите беа Тејтум со 25 и Браун со 24 поени. Во поразениот тим се истакнаа Таунс со 24 (имаше и 18 скока) и Брансон со 22 поени, а Харт даде 20.
