Денвер нагетс славеше на гостувањето кај Атланта со 129-122, а средбата мина во знакот на двајцата Срби, Никола Јокиќ и Богдан Богдановиќ.
Бекот на Хокс погоди десет тројки и стана вториот во историјата кој дал 10 тројки, а бил резерва на почетокот на тој меч, и средбата ја заврши со 40 поени. Јокиќ во победата на Денвер придонесе со 25 поени.
Во богата НБА-програма рано утрово продолжение имаше само во Милвоки, каде што домашните го победија Чикаго со 133-129, додека најубедлива беше Филаделфија, која со 45 поени разлика го совлада Вашингтон. Сакраменто кингс погоди 25 тројки против Бруклин и тоа е клупски рекорд за Кралевите.
Продолжи немоќта на Детроит и Сан Антонио. Пистонс има 20, а Спарс 17 порази по ред и тоа се најцрни серии во нивните клупски истории. Сан Антонио даде само 82 поена против Хјустон.
https://twitter.com/i/status/1734408240526508130
