Бохум одигра одлична сезона во Бундеслигата, прва по пауза од 11 години и си обезбеди прволигишки статус и за идниот циклус, а приреди две големи сензации.
Клубот од Северна Рајна-Вестфалија успеа само двапати да постигне по четири гола, а подвигот го приредија против гигантите Баерн и Борусија Дортмунд.
Во 22. коло го растурија шампионот Баерн со 4:2, а му ја наполнија мрежата со покер голови уште во првото полувреме.
Викендов во меч од 32. коло во Бундеслигата пак дадоа четири гола и тоа на култниот „Вестфален“ во Дортмунд, каде ја победија второпласираната Борусија со 4:3, во еденод најубавите мечеви сезоната, проткаен со многу пресврти.
„Само двапати постигнавме по четири гола во Бундеслигата. Но, не е лошо, да не се жалиме, ги победивме Баерн и Борусија Дортмунд со покери“, објавија од Бохум на официјалнииот Твитер налиг на клубот.
We’ve only scored four goals in a Bundesliga game twice this season.
Once against Bayern, the other against BVB.
We’re not complaining…🤩🤷
📸 @Tremark12 pic.twitter.com/CLYiBpqa5Z
— VfL Bochum 1848 (@VfLBochum1848EN) May 2, 2022
Моментно се 11-ти на табелата во Бундеслигата со 39 бода и обезбеден опстанок, па последните два меча против Арминија Билефелд на свој терен и со Унион Берлин на гости ќе ги играат за престиж и за подобрување на пласманот.