Фудбалерите на Болоња се на прагот да бидат првиот финалист на италијанскиот Куп откако го добија првиот полуфинален меч против Емполи со убедливи 0-3 на гостински терен.
Победникот беше решен само по половина час игра откако Орсолини во 23-тата и Далинга во 29-тата минута донесоа убедливи 0-2 за гостите. Далинга со својот втор гол на мечот во 51-вата минута ги постави конечните 0-3.
Реваншот ќе биде само формалност, а во финалето за противник ќе го имаат подобриот од градското дерби на Интер и Милан.
Болоња има два трофеи од Купот на Италија, во 1970 и 1974 година, и тоа се двете единствени финалиња кои ги имаат играно. Трофејот во 1974 година воедно е и последниот што го има освоено клубот кој седумпати бил шампион на Италија, но во периодот помеѓу 1925 и 1964 година.
