Екипата на Болоња продолжува со одличните игри во Серија А и веќе четврти натпревар не знаат за пораз. Избраниците на Тијаго Мота вечерва беа поуспешни од Салернитана на гостински терен со 1-2.
Двата погодоци за Болоња беа постигнати во првото полувреме, а беа дело на холандскиот интернационалец Џошуа Зиркзе. Домашните до крајот на мечот успеаја само да го намалат резултатот преку Сими во 75-тата минута.
Болоња со оваа победа барем привремено се искачи на четвртата позиција на табелата и веќе почнува да размислува за пласман дури и во Лигата на шампионите. Сепак, дали и после ова коло ќе останат на четвртото место, зависи од исходот од мечот Рома – Фиорентина.
