Тијаго Мота ја извести управата на Болоња дека си заминува по последното коло во Серија А и повеќе нема пречки да го презеде кормилото на Јувентус, објави новинарот кој е експерт за трансфери, Фабрицио Романо.
Старата дама од претходно ги договори личните услови со Мота кој ќе потпише тригодишен договор кој ќе му носи пет милиони евра по сезона.
Дека Мота повеќе нема пречки да седне на клупата на Јувентус потврди и Болоња.
„Во овие две години соработував со одлично подготвен тренер и човек кој има победнички менталитет. Би сакал да остане во Болоња, но можам само да му се заблагодарам на Тијаго и не неговиот стручен штаб и да им посакам се најдобро во иднина“, изјави Џузепе Сапуто, претседателот на Болоња.
🚨⚪️⚫️ Thiago Motta to Juventus, deal sealed and set to be announced soon — here we go, confirmed!
The manager has informed Bologna of his decision to leave the club after fantastic season, as expected.
Thiago will now sign as new Juventus head coach until June 2027. pic.twitter.com/bKgF099Rz4
— Fabrizio Romano (@FabrizioRomano) May 23, 2024
Мота тренерската кариера ја започна во ПСЖ каде ги водеше младинците, а во септември 2022 година седна на клупата на Болоња. Во првата сезона заврши како деветти, а оваа ја однесе Болоња во Лигата на шампионите.
