Една недела откако се степа со соиграчот Адриен Рабио во Олимпик Марсеј, англиското крило Џонатан Роу официјално си замина од францускиот тим и сега е нов играч на Болоња.
Италијанскиот калчолигаш ќе платат 17 милиони евра за младинскиот англиски репрезентативец, плус 2,5 милиони евра бонуси и 10% од парите при следната продажба. Роу ќе потпише договор на четири години со можност за продолжување на уште една сезона. Тој пристигна на „Велодром“ како позајмен од Норвич минатата година, а Марсеј плати 14,5 милиони евра ова лето за да го направи неговиот трансфер траен.
Jonathan Rowe. 🫵🏴 pic.twitter.com/dImp2Cnrdt
— Bologna FC 1909 (@BolognaFC1909en) August 24, 2025
Роу одигра 30 натпревари минатата сезона, постигна три гола и имаше четири асистенции, но мораше да си замине по тепачката со Рабио. Претседателот на Олимпик Марсеј, Пабло Лонгорија, изјави дека инцидентот меѓу двајцата фудбалери биле „екстремно насилен што е нешто невидено“, оправдувајќи ја одлуката за трансфер на двајцата играчи.
Тренерот на Олимпик Марсеј, Роберто Де Зерби, сепак, ја остави вратата отворена за евентуално помирување и враќање на Адриен Рабио, надевајќи се дека „постојат услови што можат да се договорат за да се поправат работите“.
