Болоња ја прокнижи првата победа во Калчото и само ја продлабочи кризата во редовите на Рома. Со головите на Матиело и на Сантандер, по еден во двете полувремиња, болоњезите конечн о го пробија мразот и освоија три бода.
Рома е во спротивен тренд и не знае за триумф во последните четири кола во Серија А, а вклучувајќи го и поразот од Реал Мадрид во Лигата на шампионите серијата е пет меча.
Горан Пандев остана на клупата на Џенова на дуелот со неговиот поранешен тим Лацио, кој славеше убедливо со 4:1.
Лацијалите немаа проблеми со гостите од Џенова, набрзина за 23 минути поведоа со 2:0 и лесно ги освоија бодовите. Сосема спротивно беше на третиот меч од попладневната прогама, каде Удинезе со два гола во поседните 15 минути го победи Киево на гости. Стрелци беа Да Паул и Ласања.
