Најбрзиот човек во светот Јусејн Болт најави дека доколку не најде соодветен клуб каде што би ја продолжил кариерата, ќе оди во фудбалска пензија. Еден од најдобрите атлетичари на сите времиња реши да се проба како фудбалер. Одигра неколку мечеви во австралиското првенство, но откако не се договори за висината на платата која би ја добивал, не потпиша професионален договор. Екипата на Централ Коуст маринерс му понуди 150.000 евра, а тој побара дури 1,8 милиони евра за едногодишен договор.
Болт имал понуди од многу клубови, но вели дека уште го чека вистинскиот договор. Сепак, доколку до крајот на месецот не се случи Болт да потпише договор, тој најавува крај на фудбалската кариера.
„Имав многу понуди од различни екипи, но не сум воодушевен. Ако до крајот на овој месец не добијам понуда каква што посакувам, ќе ги закачам копачките на клин“, најави Болт.
