Рекордите на Јусејн Болт на 100 и 200 метри се недопирливи за сегашните спринтери, а легендата од Јамајка, кој има 38 години и веќе осум години не се натпреварува, верува дека во моментов може 100 метри да истрча за 10 секунди и 30 стотинки.
Најбрзиот човек во историјата е светски рекордер на 100 метри со време од 9,58 секунди поставено на Светското првенство во Берлин во 2009 година.
За време на интервјуто за поткастот The Obi One на поранешниот фудбалер на Челзи, Џон Оби Микел, Болт смета дека би постигнал прилично пристојно време и процени дека може „стотка“ да истрча за 10,30 секунди.
