Лионел Меси сепак ќе се врати во Барселона и тоа ќе биде клубот во којшто ќе ја заврши кариерата. Ова го тврди новинарот Алекс Кандал, кој ги знае речиси сите случувања поврзани со тимот на Интер Мајами, каде што Меси игра во моментов.
Кандал беше првиот новинар кој напиша дека Меси ќе дојде во Интер Мајами, а сега е првиот кој тврди дека ќе си замине од тимот и дека се враќа во Барселона.
🚨 BREAKING: Leo Messi is expected to RETURN to Barcelona this summer, according to @Alex_candal — pending further confirmation. 🔵🔴🇦🇷⏳ pic.twitter.com/nlvWGfBO9R
— Managing Barça (@ManagingBarca) February 25, 2025
„Кој беше првиот што напиша дека Меси ќе дојде во Интер Мајами? Јас… или не? Сега ќе ви кажам дека Меси се враќа во Барселона! На луѓето од своето блиско опкружување им рекол дека не може да замине во пензија, а да не заигра повторно на „Камп ноу“, стои во објавата на американскиот новинар, кој има над 400.000 следбеници на социјалните мрежи.
‼️💣 Lionel Messi will come back to Barcelona.
“I can’t retire from football without playing at the new Camp Nou,” he says — as per @Alex_candal
More confirmation needed. 🐐🇦🇷 pic.twitter.com/cj5Lfy7F85
— Barça Universal (@BarcaUniversal) February 25, 2025
Не е тајна дека пред две години Жоан Лапорта се обиде да го врати Меси, но тогаш не беше постигнат договор. Меси има актуелен договор со Интер Мајами до крајот на 2025 година, па останува да се види дали ќе добие дозвола да си замине од клубот во летниот период за да биде подготвен во новата европска сезона да заигра во клубот во којшто помина повеќе од две децении.
Меси во дресот на Барселона има одиграно 778 натпревари и има неверојатен учинок од 672 гола и 303 асистенции. Аргентинскиот виртуоз кој во јуни ќе наполни 38 години, како играч на Барселона освои дури 35 трофеи во најразлични натпреварувања.
