Леонардо Бонучи, еден од главните играчи во тимот на Јувентус, реши да го продолжи договорот до 2024 година. Централниот дефанзивец е во Јувентус од 2010 година, но во 2017 година направи една голема грешка. Реши да си замине од Торино и потпиша за Милан, но многу брзо се покаја за оваа негова одлука. Само по една година помината на „Сан Сиро“, Бонучи повторно се врати во Јувентус и сега за да докаже дека не планира повторно да си замине, потпиша договор кој го обврзува да остане во најтрофејниот италијански клуб уште пет години.
„Леонардо има црно-бела ДНК“, стои во дел од соопштението на италијанскиот првак.
За тоа колку Бонучи е значаен во тимот на Јувентус, зборува и фактот дека тој е играчот кој ги одигра буквално сите мечеви сезонава од првата до последната минута.
Најавено е дека Јувентус во следниов период ќе ги продолжи договорите на уште неколку значајни фудбалери. Следни на списокот треба да бидат Шченсни и Квадрадо.
UFFICIALE ✍ | @bonucci_leo19 bianconero fino al 2️⃣0️⃣2️⃣4️⃣https://t.co/UqmRsxSQsL#FinoAllaFine #Leo2024 pic.twitter.com/LntZbqYqpC
— JuventusFC (@juventusfc) November 19, 2019
