Борусија Дортмунд ќе биде драстично ослабена на утрешното гостување кај Интер, во меч од третото коло од Лигата на шампиони. Германскиот тим во Милано ќе биде без Марко Ројс и Пако Алкасер во составот.
Шпанецот кој е задолжен за голови, веќе одреден период се жали на повреда на ахиловата тетива, додека Ројс е болен и нема да може да настапи на „Џузепе Меаца“. Кај гостите ќе го нема и левиот бек Марсел Шмелцер. Единствена добра вест за тренерот на Милионерите, Лусиен Фабер е тоа што голманот Роман Бурки се чувствува добро и нема болки во коленото.
По две кола во Ф групата, Борусија е лидер со 4 бода и досега нема примено ниту еден гол, додека Интер има само еден бод од ремито против Славија Прага, што значи дека Нераѕурите се под притисок дека мора да победат.
