Штутгарт кој минатата сезона се спаси од испаѓање откако победи во плејаут баражот, сезонава продолжува со блескави игри. По седум одиграни кола, Штутгарт сега има шест победи и само еден пораз. Попладнево, на домашен терен, Штутгарт со 3:1 го победи Волфсбург.
Интересно е дека Волфсбург водеше со 1:0 на полувремето, но домашниот тим одигра блескави 16 минути во периодот од 66 до 82 минута кога постигнаа три гола и на крајот стигнаа до убедлив триумф.
Нешто слично беше текот на дуелот и во Дортмунд. Борусија губеше на полувреме од Унион Берлин со 1:2, но Милионерите во второто полувреме постигнаа дури три погодоци и на крајот стигнаа до три бода во дуел на две екипи кои се дел од Лигата на шампиони.
На гостински терен се радуваше Дармштад против Аугсбург со 2:1, а немаше погодоци на средбата меѓу Лајпциг и Бохум.
