Борусија Дортмунд го пречека Келн и славеше со 1-0, со гол во последната минута од натпреварот. Главен актер на мечот беше гостинскиот голман Марвин Швебе, кој одбрани неколку одлични шанси за Борусија во второто полувреме.
Гираси, Нмеча и Рајерсон неколкупати се обидуваа да погодат, но секогаш како победник излегуваше голманот на гостите.
⚽️ GOAL | Borussia Dortmund 1-0 FC K | Maximilian Beier 🇩🇪
— goalpostX (@GoalpostX) October 25, 2025
Borussia Dortmund is taking the lead with a thrilling goal from Maximilian Beier right now ⚽️!#BorussiaDortmund #FCK #Bundesliga #BORFCKpic.twitter.com/QdXUrp8MhZ
Сепак, во последните моменти Борусија успеа да го скрши отпорот на Келн. Борусија Дортмунд имаше и среќа, бидејќи играше со играч повеќе последните осум минути, откако тренерот на Келн ги изврши сите измени.
Максимилијан Бајер шутираше, топката помина низ многу нозе, а Швебе само ја закачи, но не доволно за да го промени правецот.
Со оваа победа, Борусија стави крај на низата од два натпревари без триумф и сега се наоѓа на третото место на табелата во Бундеслигата.
