Хрватско-босанскиот фудбалер Марио Вранчиќ, е еден од најголемите малери кога станува збор за испаѓање во понизок ранг на натпреварување со клубовите за кои што игра. Тој дури пет пати има испаднато со тимовите за кои што настапувал.
Искусниот Вранчиќ кој има 31 година, е роден во хрватскиот град Славонски брод и играше за младинските селекции на Германија, пред да реши да настапува за сениорската репрезентација на БиХ. Како млад замина да живее во Германија и затоа најголем дел од кариерата мина во германски клубови.
Прво испаѓање му беше со Мајнц во 2007, кога ја напушти Бундеслигата. Три години подоцна, Вранчиќ со Рот Вајс Ален испадна од втората германска лига, а во 2015 испадна од Бундеслигата со Падерборн. Во 2017 година, Дармштад испадна од Бундеслигата со Вранчиќ во составот, а ова сега со Норвич со кој испадна од Премиерлигата, му е петти пат да се најде во таква непријатна ситуација. Но, веќе е навикнат.
