Репрезентацијата на Босна и Херцеговина го победи Лихтенштајн на гости со 0-2 и ги задржа минималните шанси за пласман на Европското првенство. Сепак, за да дојдат до посакувана цел, прво што треба да сторат е да ја совладаат Португалија на домашен терен во понеделник.
Мечот во Вадуц го одлежеваа навивачките нереди кои ги предизвикаа поддржувачите на Босна и Херцеговина, кои им објавија војна на челните луѓе на Фудбалскиот сојуз на оваа земја.
Мечот имаше и неколкуминутен прекин во првото полувреме, а постојано од трибината на гостинските навивачи летаа факели кон теренот и се слушаа извици против раководството на Фудбалскиот сојуз.
Во еден момент дури и Един Џеко се доближи до трибината на навивачите на Босна и Херцеговина и ги молеше да сопрат инцидентите, се со цел да не биде казнета репрезентацијата која се уште има теоретски шанси да стигне до континенталниот собир во Германија.
