Во НБА лигата синоќа беа одиграни осум натпревари, а најголемо внимание привлече дуелот помеѓу Бостон селтикс и ЛА лејкерс.
Судирот на двете најтрофејни НБА екипи ги оправда очекувањата, а на крајот Бостон славеше со 111-110, со што ја прекина серијата од осум последовни победи на ЛА лејкерс.
Во редовите на Лејкерс, Лука Дончиќ постигна 34 поени и имаше осум скокови, додека Леброн Џејмс додаде 22 поени, 14 скокови и девет асистенции. Леброн се повреди во завршницата на натпреварот, а по мечот изјави дека станува збор за повреда на препоните, но дека не е премногу загрижен.
Иако двете најголеми ѕвезди на ЛА лејкерс одиграа добро, суперѕвездите на Бостон беа подобри. Џејлен Браун постигна 31 поен и шест скока, додека Џејсон Тејтум го заврши натпреварот со 40 поени, 12 скокови и осум асистенции.
Орландо го изненади Милвоки на гости и славеше со 109-111, а Голден Стејт го победи Детроит со 115-110.
Резултати: Бостон – ЛА лејкерс 111-110, Шарлот – Бруклин 105-102, Хјустон – Њу Орлеанс 146-117, Атланта – Индијана 120-118, Торонто – Вашингтон 117-118, Мајами – Чикаго 109-114, Милвоки – Орландо 109-111, Голден Стејт – Детроит 115-110.
