Кошаркарите на Бостон селтикс се првите финалисти на НБА-лигата за оваа сезона откако во финалето на Источната конференција со метла и чисти 4-0 ја елиминираа Индијана пејсерс. Најдобрата екипа од регуларниот дел и вторпат победи на гостински терен и повторно со три поени разлика, овој пат со 102-105.
Бостон откако во текот на целиот натпревар имаше негатива, во последните шест минути влезе со минус осум, а на 200 секунди до крајот имаше -4, 102-98 за Индијана. Сепак, домашните до крајот на мечот не погодија ниту еднаш, а Бостон со серија од 7-0 успеа да дојде до четвртата победа во серијата и 23-ти пласман во големото финале на НБА. Селтикси за својата 18-та титула во НБА-лигата ќе играат против подобриот од финалето на Западната конференција во кое Далас има предност од 3-0 против Минесота.
