Реал Мадрид со 2:1 славеше над Атлетико во првиот меч од осминафиналето во Лигата на шампионите, а еден од хероите е Брахим Дијас. Фудбалерот кој е во сенка на големите ѕвезди Мбапе, Винисиус, Белингам, Модриќ… покажа дека е многу значаен во играта на Кралскиот клуб и го постигна голот за триумф на актуелниот европски и шпански првак.
Овој погодок на Брахим воопшто не е случаен затоа што тој се наоѓа во одлична форма и беше прогласен за најдобар играч на Реал за претходниот месец. Интересно е дека по постигнувањето на погодокот, Дијас прво се израдува со навивачите, потоа со соиграчите и тренерот Карло Анчелоти, а потоа реши да го „поздрави“ и противничкиот стратег Диего Симеоне.
Камерите го забележаа моментот кога Дијас почна да му вика на Симеоне: „Зборувај сега, зборувај сега. Вчера зборуваше, ајде зборувај и сега“, беше пораката од фудбалерот на Реал до тренерот на Атлетико.
El Cholo Simeone dijo ayer en rueda de prensa que no creía que Brahim jugara hoy.
Y Brahim Díaz le respondió esto después de marcar un golazo.
Genio absoluto, dentro y fuera del campo.pic.twitter.com/IL3SwnFuPD
— CR7STIANISMO🇪🇸🇵🇹 (@Cr7stianismo_) March 4, 2025
Ваквата реакција на Дијас е поради тоа што Симеоне го направи еден ден пред мечот. Тренерот на Атлетико зборуваше за тоа што очекува од Реал и како може да биде поставеноста на противникот, па за играчи во средината од теренот, Симеоне потенцираше дека не очекува Дијас да игра.
„Мислам дека во средниот ред Реал ќе започне со Камавинга и Модриќ. Не верувам дека ќе игра Брахим Дијас“, рече Симеоне и очигледно згреши. Дијас заигра од првата минута и го даде голот за победа на Реал, а потоа „го поздрави Симеоне“.
Diego Simeone didn’t see it coming!Before the match: “I think they will go with Camavinga and Modrić in the midfield. I don’t think it will be Brahim.”
Ancelotti had other plans! 🎩✨ pic.twitter.com/G1OzTgfw86— MoroccanGrinta (@MoroccanGrinta) March 4, 2025
