Фудбалерите на Брајтон и Манчестер јунајтед играат без голови по првото полувреме од заостанатиот натпревар од 28-мото коло во Премиер лигата.
Домаќинот имаше поголем посед на топката (57-43), двете екипи имаа шанси, а Црвените ѓаволи упатија повеќе удари во рамките на голот на Стил.
Прва голема шанса да го отвори резултатот имаше Маркус Рашфорд во 28-мата минута, но неговиот шут го одбрани голманот на Брајтон, Џејсон Стил.
Во финишот од првиот дел се закани и Антоан Марсијал, но шутираше по средина на голот и Стил успеа да го запре неговиот удар.
