Актуелниот европски шампион со 21 година, младата селекција на Германија, без ниту една победа го заврши настапот на Европското првенство кое се одржува во Романија и Грузија.
Германија во последното трето коло од групната фаза загуби со 2:0 од соодветната селекција на Англија, која пак има максимален учинок.
Англичаните дилемите околу победникот ги решија уште на стартот од натпреварот, прво во четвртата минута, Арчер го отвори резултатот, а во 21-та минута, Харви Елиот постигна гол за 2:0, резултат кој на крајот се покажа како конечен.
Се уште актуелниот европски шампион до 21 година, настапот на ЕП го заврши со едно реми против Израел (1:1) и два порази, од Чешка (2:1) и вечерва од Англија.
Во вториот меч од групата Ц, Израел со голот на Омри Ганделман во 82-та минута, ја совлада Чешка и го освои второто место кое носи во четвртфиналето.
