Македонската репрезентација за ракометари до 19 години, го освои деветтото место на Светското првенство во Хрватска. Во дуелот за деветта позиција, избраниците на Раде Стојановиќ ја совладаа Чешка со 28-22.
Несреќниот пораз во првото коло против Норвешка е главна причина што Македонија не играше четвртфинале, можеби и ќе бевме во битка и за медал. Во разигрувањето за 9-16 место, се виде дека сме посилни од сите. Сепак, да се биде деветти на светот е успех, и покажува дека оваа генерација во иднина ќе има што да понуди.
Вечерва против Чесите, најрасположени во македонскиот тим беа Кајалџиески со 12 и Димевски со 8 голови.
