Петкратниот светски првак Бразил го објави составот од 26-мина фудбалери кои ќе бидат дел од Светското првенство во Катар. Селекторот Тите се одлучи да повика дури деветмина играчи од нападот, со што јасно се потенцира дека Кариоките со офанзивна игра ќе се обидат повторно да стигнат до светскиот трон.
Нејмар е капитен на репрезентацијата во која според имињата, дефинитивно Бразил ќе биде меѓу главните фаворити за титулата. За голманската позиција конкурираат Алисон од Ливерпул и Едерсон од Манчестер сити, а во дефанзивниот ред се играчи како Данило, Дани Алвес, Алек Сандро, Тијаго Силва, Маркињол, Милитао…
Во средниот ред главни треба да бидат Касемиро, Фред, Фабињо, додека во нападот се дури деветмина, меѓу кои: Нејмар, Винисиус Јуниор, Габриел Жесус, Антони, Мартинели…
