Бразил и Франција како да се претплатени на трилер одбојкарски мечеви, а и вечерва во Фиренца приредија вистинска забава за гледачите, во меч што го добија „кариоките“ со 3:2
Бразилците кои се најуспешна одбојкарска нација водеа со 2:0 во сетови, откако беа подобри со по 25:20 во стартните два сета, за потоа да се случи пресврт. Се разиграа „триколорите“ ги добија следните два сета со 25:21 и 25:23 и израмнија на 2:2.
Трилерот во Фиренца продолжи, а Французите испаднаа трагичари. Водеа со 10:7 во тај-брејкот до 15 поени, но ја прокоцкаа огромната предност, па Бразилците со серија од 8:2 го добија одлучувачкиот сет со 15:12, а со тоа и мечот.
Слично беше и на минатото СП, во Полска, кога во полуфиналето Бразилците со идентични 3:2 ја победија Франција и се пласираа во финалето.
Вечерва и Иран славеше против Бугарија со 3:1, а Србија го декласира Камерун со 3:0 во сетови.
Бразил и Франција не можат без одбојкарска драма
