Ѕвездата на Вест хем и на бразилската репрезентација Лукас Пакета се соочува со можност да добие доживотна забрана за играње фудбал и тоа е поради обложувачки скандал, пренесува Скај спорт.
Пакета последен пат се појави на судење на 5 февруари, а Фудбалската асоцијација на Англија во текот на овој месец ќе ја разгледа целата ситуација. Во опција е и забрана за доживотно играње фудбал.
Проценката е дека случајот ќе трае три до четири недели, а одлуката ќе ја донесе Одборот за жалби во Англија. Каква и да е одлуката постои опција да се обжали на Спортскиот арбитражен суд (ЦАС) во Швајцарија, која е последна инстанца.
За објава на конечната одлука може да биде потребно година дена, а за тоа време, фудбалерот ќе може нормално да настапува за својот клуб.
Обвиненијата беа објавени во мај 2024 година, кога ФА формално го обвини Пакета дека намерно добил жолти картони на четири различни натпревари, велејќи дека Бразилецот „се обидел да влијае на развојот, текот или кој било друг аспект на натпреварите со намерно обид да добие картон од судија со несоодветна цел да влијае на пазарот на обложување, така што ќе има корист од еден или повеќе лица“.
Добивката на букмејкерите од жолтите картони на Пакета достигна 100.000 фунти, а многу облози беа направени од родното место на големиот фудбалер на Вест Хем во близина на Рио де Жанеиро.
Се уште не се знае дали Пакета, во случај на доживотна забрана на ФА, ќе може да продолжи да игра фудбал надвор од Англија. Пакета е член на Вест Хем од 2022 година, откако пристигна во трансфер вреден 43 милиони евра од Лион. За репрезентацијата на Бразил одигра 55 натпревари.
