Петкратнот светски првак Бразил заврши дури на петтото место во квалификациите за Светското првенство 2026 година. Во последното коло Бразил загуби на гости кај Боливија со 1:0. Со оваа победа Боливија стигна до седмото место на табелата и обезбеди место во баражот за пласман на Мундијалот во САД, Мексико и Канада.
Поразот во Ла Паз, град кој е на 4.000 метри надморска височина, со голем револт го примија во селекцијата на Бразил. Посебно разочаран беше претседателот на Бразилската федерација, Самир Хауд.
„Игравме против 14-мина играчи. Она што се случи денес овде е тажно. Дојдовме да играме фудбал, а она што го видовме од моментот кога пристигнавме беше нечесна игра. На 4000 метри надморска височина игравме против судии, полиција, деца кои носеа топки. Зедовме топки од теренот и ставивме други внатре. Ова беше срамота“, рече Хауд.
“
