Бразилските фудбалери го замолија Нејмар да остане дел од репрезентацијата по разочарувачкиот настап на Кариоките на Светското првенство во Катар.
Голем број бразилски фудбалски ѕвезди, меѓу кои и Винисиус жуниор, Родриго, Ришарлисон, Антони, Лукас Пакета, упатија апел до ПСЖ да не се повлекува од репрезентацијата.
Бразил на штотуку завршеното Светско првенство беше елиминиран во четврфиналето од Хрватска, и тоа по пенал-серијата, а Нејмар по поразот најави дека е можно да се повлече од националниот тим.
Најголемата ѕвезда на Кариоките сигурно ќе ги пропушти следните натпревари на репрезентацијата кои се закажани на почетокот од идната година, а главно прашање на бразилските медиуми е дали тој целосно ќе се повлече од националниот тим.
