Фудбалскиот второлигаш Брегалница се раздели со тренерот Трајче Сенев. Оваа вест официјално ја потврди клубот.
Одлуката доаѓа по убедливиот пораз од Саса со 4-0, со што штипскиот клуб падна на третото место на табелата во Втората македонска лига.
Брегалница наведе дека со Сенев е постигнат спогодбен раскин на договорот.
Привремено, тимот ќе го предводи неговиот досегашен помошник, Ристе Наумов.
