Металург од 19 часот во „Борис Трајковски“ со Спортинг Лисабон игра меч од Лигата на шампионите во ракоимет, со надеж дека ќе извојуваат победа, со што ќе се заборави синоќешниот пораз од Стеауа во СЕХА.
Тренерот Данило Брестовац тврди дека тимот не се подготвувал за Стеауа затоа што мечот со Спортинг е многу поважен.
„Ако ја немаме потребната агресивност, тогаш не ни се пишува добро. Мислам дека натпреварот со екипата на Спортинг ќе биде друга работа. Спортинг е сериозна екипа со огромно искуство и квалитетно е покриен на сите позиции. “, вели Данило Брестовац.
Металург на вечерашниот дуел ќе настапи со овие ракометари: Томовски, Даниловски, Арсеновски, Димитриоски, Јагуриноски, Лазаревски, Маџовски, Миличевиќ, Пучник, Рибеиро, Серафимов, Шилегов, Шпенде, Танкоски, Токиќ и Велковски.
