Екипата на Сервет вечерва ќе биде ослабена со неиграњето на еден од клучните фудбалери, зкамерунецот Гаел Ондуа. Граничните власти во Велика Британија му забранија влез на Камерунецот бидејќи тој поседува и руско државјанство, а во оваа земја има целосна забрана за влез на граѓаните на Русија.
Сепак, ваквата одлука е несфатлива бидејќи Ондуа е Камерунец и настапува за репрезентацијата на Камерун. Тој рускиот пасош го добил бидејќи дел од своето детсво го минал во Русија, каде што неговиот татко работел како дипломат.
Со ова и фаворитската улога на Глазгов ренџерс се зголемува бидејќи Сервет ќе настапи без големото засилување кое го донесе од германскиот Хановер.
