Три клуба, тоа се Клуб Бриж, Лил и Астон вила, во минатата сезона играа во Конференциската лига на УЕФА, кое е трето по квалитет натпреварување во Европа, а сега се осминафиналисти во елитната Лига на шампиони.
И не само тоа, барем еден од овие три тима ќе игра и четвртфинале. Во осминафиналето можни противници на белгискиот Бриж му се или францускиот Лил или англискиот претставник Астон вила, па победникот од тој двобој ќе влезе меѓу осумте најдобри, што би било огромен успех.
Бриж синоќа ја елиминира Аталанта и потврди дека белгиските тимови се хит сезонава. Има дури пет екипи од оваа земја во европските купови (повеќе имаат само Англија и Шпанија), а уште ниту еден не е елиминиран.
