Еден од најдобрите фудбалери во репрезентацијата на Португалија и член на Манчестер јунајтед, Бруно Фернандеш, влезе во листата на славни личности кои му го честитаа 75-тиот роденден на Вардар.
Ѕвездата која моментно е дел од Мундијалот во Катар и се подготвува за дуелот на Португалија против Гана в четврток, одвои време да упати порака до цела Македонија и до најтрофејниот македонски клуб Вардар, кој слави јубилеен роденден.
Вардар утревечер од 19:30 часот на Арената „Тодор Проески“ ќе игра против Железничар, а пораката на Бруно Фернандеш е дека сите фанови на Црвено-црните треба да бидат на стадион.
