Буфон брани од 1995 година, а сега реши кога ќе ја заврши кариерата

Еден од најдобрите голмани во историјата на фудбалот, Џанлуиџи Буфон, кариерата ја започна во далечната 1995 година и уште трае. Популарниот Џиџи повеќе од 25 години е на главната сцена, а во кариерата бранеше само за три клуба. Започна во Парма, каде што беше до 2001 година, а потоа се пресели во Јувентус. Кај Старата дама е две децении, со исклучок на една сезона, кога го носеше дресот на Пари Сен Жермен.

Многумина се чудат како Буфон брани на врвно ниво иако веќе има 43 години и кога може да го чекаме неговото пензионирање. Самиот Буфон за првпат откри кој е неговиот план.

„Во главата имам поставено датум за тоа кога треба да ја завршам кариерата. Мојата последна точка е јуни 2023 година“, откри Буфон.

Во богатата кариера Буфон освои 10 титули во дресот на Јувентус, а со Италија беше светски првак во 2006 година. Ако издржи до 2023 година, Буфон ќе има 45 години.

 

- Оглас -

Најнови вести