Бугарија го декласира слабиот Гибралтар со 5:1 и сега има шанси и за второто место во нашата група од Ц сегментот во Лигата на Нации.
За втората позиција ќе се одлучува во понеделник на 26. септември во Скопје, кога Македонија ќе и биде домаќин на Бугарија, а има еден бод предност.
Вечерва во Разград, Бугарите беа убедливи и со голот на Антов и на Десподов во првото полувреме и на Кирилов, Стефанов и на Петков во продолжението победија со 5:1.
Почесниот гол за Гибралтар го даде Рој Чиполина во 26. минута, во тој момент за 1:1.
Мечот меѓу Македонија и Бугарија ќе се игра на националната арена „Тодор Проески“ во Скопје од 20.45 часот.
По пет кола Грузија е победникво групата 4 со 13 бода и ќе игра во Б сегментот од идниот циклус на натпревари.
Македонија има 7 бода, Бугарија 6, а Гибралтар освои само еден бод.
