Селекторот на фудбалската репрезентација на Бугарија, Јасен Петров, дал предлог Бугарите да им направат почесен шпалир на актуелните европски прваци, Италијанците, пред нивниот меѓусебен меч на 2 септември од квалификациите за Светското првенство.
Тој меч ќе се игра во Фиренц, и ќе биде прв официјален дуел на Италија по освојувањето на европската титула. Ако не загубат, Аѕурите ќе имаат серија од 35 меча по ред без пораз и ќе го изедначат светскиот рекорд на Бразил и Шпанија.
„За нас ќе биде чест што ќе бидеме првите кои ќе играат против новиот европски шампион. Убаво е кога играме големи мечеви“, изјави Петров.