Серхио Бускетс денеска и официјално ја продолжи соработката со Барселона до 2023 година. Фудбалерот кој е еден од најдобрите на светот на својата позиција дефанзивен играч во средниот ред, веќе 11 сезони го носи дресот на Барса, а таму останува и во следните пет години.
Бускетс доби подобрување на условите, а клубот ја зголеми откупната клаузула од 200 на 500 милиони евра. Тој е втор капитен во тимот, по Лионел Меси. Во Барса, Бускетс одигра 490 меча и има дадено 13 гола. Освои 28 трофеи, од кои три во Лигата на шампионите и седум во шпанското првенство.
