Кепа Аризабалага веројатно ќе биде едно од најголемите промашувања во историјата на Премиер лигата, ако се гледа статистиката од оваа сезона во Англија. Шпанскиот голман пристигна на „Стемфорд бриџ“ за неверојатни 80 милиони евра кои завршија во касата на Атлетик Билбао.
Според досега покажаното, баскијците направија одлична работа, а Челзи ја утна работата. Статистиката покажува дека Кепа оваа сезона прими 11 голови повеќе отколку што еден просечен голман треба да прими. Со тоа, Аризабалага го има приматот за најлош голман во Премиер лигата оваа сезона.
Во Премиер лигата останува да се одигра уште едено коло во кое Челзи ќе се обиде да го сочува четвртото место кое е последно што води во Лигата на шампиони. Лондонскиот тим на домашен терен ќе игра против Вулверхемптон и не смее да си дозволи луксуз да загуби за да биде сигурен патник во ЛШ.
Во досегашните 37 кола, Челзи прими 54 погодоци што го прави клуб со најлоша одбрана во Топ 10 екипите од Премиер лигата, затоа што ниту еден друг клуб ја нема поминато границата од 50 примени голови.
-11 – Based on Opta’s expected goals on target data (xGoT), this season, Kepa Arrizabalaga has conceded 11 Premier League goals more than the model would expect the ‘average’ goalkeeper to concede; the worst figure of any goalkeeper in the division. Worrying. pic.twitter.com/Ds9fcWEiJ5
— OptaJoe (@OptaJoe) July 23, 2020
