Германскиот првак Баер Леверкузен има сериозен интерес за ангажирање на дефанзивецот Жоел Матип, тврди „Скај Германија“. Триесет и двегодишниот фудбалер е слободен агент откако неговиот договор со Ливерпул истече ова лето.
„Аспирините“ веќе започнале разговори со Камерунецот.
Тренерот на германскиот шампион, Чаби Алонсо, сака да ја засили одбраната со искусен централен дефанзивец, а Матип е еден од главните кандидати.
Жоел Матип играше во Ливерпул во последните осум години. Тој има искуство и во Бундеслигата, каде што во минатото беше член на Шалке 04.
