Шпанскиот стратег Чаби Алонсо се согласил да биде нов тренер на Реал Мадрид, пренесува познатиот новинар Фабрицио Романо. Според најавите, Алонсо ќе потпише тригодишен договор, што значи дека треба да остане на клупата на „Сантијаго Бернабеу“ до јуни 2028 година.
Алонсо ќе го наследи трофејниот Карло Анчелоти, кој сезонава сепак ја завршува неуспешно и затоа си заминува од кормилото на кралскиот клуб. Алонсо во Реал доаѓа од клупата на Баер Леверкузен, клуб со кој претходната сезона ја освои титулата во Бундеслигата.
Некогашниот шпански репрезентативец има искуство како е да се биде дел од Реал Мадрид затоа што како играч ги бранеше боите на Кралевите во периодот од 2009 до 2014 година. Одигра вкупно 236 меча за Реал и се радуваше на трофеи во Примера дивисион, Копа дел реј, Суперкупот на Шпанија и Лигата на шампионите.
Веќе е познато и кога Алонсо ќе дебитира на клупата на Реал. Тоа треба да биде на Светското клупско првенство, натпреварување кое е на програмата од 15 јуни до 13 јули. Алонсо со себе во Реал ќе го доведе и стручниот штаб со којшто работеше во Баер Леверкузен.
🚨🤍 Xabi Alonso to Real Madrid, here we go! Story confirmed and deal sealed for Xabi as new manager until 2028.
Staff sorted, contract in place and three year deal for Alonso with Real planning for him to start at FIFA Club World Cup.
Ancelotti farewell soon, then Xabi era. 🎞️ pic.twitter.com/s6jY4DzZmx
— Fabrizio Romano (@FabrizioRomano) May 12, 2025
