Тренерот на Барселона, Чави, после поразот од Реал Мадрид, смета дека конечниот резултат не е реален и дека неговиот тим заслужил триумф.
„Доминиравме 60 минути, но ова е фудбал, ако не дадеш гол за 2-0, Реал Мадрид знае да ти го направи ова. Мадрид со две и пол шанси даде два гола. Нас ни фалеше ефикасност. Игравме според договореното, заслуживме победа. На крај имавме проблем, но искрено мислам дека ако некој требаше да победи, тоа бевме ние. Резултатот е лош, но не е крај на светот, ова е само 11-то коло, до крај ќе се бориме за титулата“ – изјави Чави после мечот.
