Чави призна дека неколку ѕвезди може летово да си заминат од Барселона

Барселона утре на „Камп Ноу“ игра против Вилјареал во последниот меч за оваа сезона во шпанското првенство. Дуелот против Жолтата подморница нема поголемо значење за каталонскиот гигант, затоа што Барселона е сигурно втора.

Чави Ернандес кој седна на тренерската клупа во текот на сезоната, откри дека дуелот против Вилјареал може да биде последен за неколку играчи, а еден од нив е големата ѕвезда Усман Дембеле.

„Можно е да му е ова последен меч на Дембеле. Ист е случајот со уште неколку фудбалери. Сепак, можно е да се обнови договорот. Тој е битен играч, ми се допаѓа и оптимист сум дека може да го продолжи договорот“, вели Чави, кој додаде дека би сакал во тимот да остане и Френки де Јонг.

Освен од играчите со кои веќе соработува, тренерот на Барселона имаше и коментар околу евентуалното доаѓање на Роберт Левандовски на Камп Ноу.

„Да, Левандовски е една од опциите да дојде во екипата. Не можевме да си дозволиме да ги купиме Мбапе или Халанд, иако тоа го сакавме. Сепак, мора да гледаме напред и ќе се обидеме да ги доведеме фудбалерите кои треба да донесат напредок во играта“, додаде Чави.

- Оглас -

Најнови вести