Чави Ернандес ќе биде нов тренер на Ал-Сад, а му останаа уште два меча до крајот на играчката кариера. Катарците објавија дека сè е договорено и дека Чави ќе треба да го замени на клупата Жезуалдо Фереира.
За двајцата и за Чави и за тренерот Фереира последен меч за Ал Сад, за едниот како фудбалер за другиот како тренер ќе биде тој во понеделник со Персеполис во азиската лига на шампиони.
Шпанскиот ас официјално ќе биде претставен како нов тренер на катарскиот клуб во текот на оваа седмица. Имаше шпекулации дека Чави е сериозен кандидат за наследник на Ернесто Валверде на клупата на Барселона, но со договорот со Ал-Сад исчезнаа и онака малите шанси за таков расплет на настаните.
