Претседателот на УЕФА, Александар Чеферин, при посетата на хрватскиот остров Вис, каде што дојде за промоција на една книга, даде интервју во кое зборуваше и за неодамнешното Европско првенство на кое Шпанија ја освои шампионската титула и рече дека не се согласува со критиките дека првенството било со слаб квалитет.
„Мислам дека тие што велат дека не бил врвен фудбал, немаат поим од фудбал. Кој ја гледал Шпанија, знае дека тоа е основно училиште за фудбал. Врвни играчи, врвен фудбал. Играчите се уморни, тоа е јасно. Сезоната е долга, но Еврото секогаш се одржува по клупската сезона“, рече Чеферин.
