Гранада направи одличен потег кога по дебаклот против Леванте пред неполн месец, го смени тренерот и го назначи Баскиецот Аитор Каранка за шеф на стручниот штаб. Вечерва Гранада го победи Атлетик Билбао со 1-0 и продолжи да реди добри резултати бегајќи од испаѓање.
Со некогашниот дефанзивец на Реал Мадрид како тренер, Гранада има две победи и два нерешени резултати на четири меча. Иако уште не им е загарантиран опстанокот во шпанската лига, сега Гранада е во одлична позиција да ги избегне последните три места.
