Челзи ќе и го продаде на Барселона капитенот Цезар Аспиликуета за 7 милиони фунти. Тоа е цената што англискиот премиерлигаш ја одреди за 32-годишниот бек, кој најверојатно ќе ја заврши 10-годишната авантура на „Стемфорд Бриџ“ со трансфер во Барселона.
Челзи има намера да и возврати на Барселона со трансфер, а Англичланите се заинтересирани за Френки Де Јонг.
Холандскиот репрезентативец долго време е на мета на Манчестер јунајтед, но изјави дека не сака да си оди од Барселона, клуб што го смета за најдобар на светот.
Проблемот е што Манчестер јунајтед не понуди доволно пари според барањата на Барса, а Челзи нема таков проблем со новиот сопственик Тод Боели, кој вети над 200 милиони фунти за летни засилувања, па можно е Де Јонг да слета во Лондон.
