Проучување на една агенција открива дека Челзи е клубот кој играл најнечисто во историјата на англиската Премиер лига. Лондонските Сини се тим со најмногу направени фаули или приговори за кои биле казнети со жолт или црвен картон.
Ако секој тим добие по 10 бода за жолт картон и 25 за црвен картон, Челзи собрале огромни 18.360 поени, со кои е на чело на оваа табела. На втора позиција е Евертон, а во Топ 4 се и други два големи лондонски клуба, Арсенал и Тотенхем. Манчестер јунајтед ја комплетира првата петорка со 16.570 бодови, а додека шести е Вест хем.
Ливерпул и Манчестер сити се подисциплинираните тимови и засега ги заземаат деветтата, односно десеттата позиција во рангирањето.
